نور القمر

على نور القمر طلت مساء الخير كيف الحـال
تنور دربي المظلم وتأخـذ بالهـوى أشواقـي
تنام وتحظن الدبدوب والمحتـار ليلـه طـال
على صوت الهجير اللي سكن في داخل أعماقي
الآ يا همي البـارح والآ يـا حلمـي القتـال
دخيلك لا تضيعني مـا دام أن الوفـاء باقـي
دخيل البسمه وما نام معها مـن حيـا وجـدال
أنا لو لاك ما قلت القصيد وخاطـري ضاقـي
حبيبي وأنت إلك لحن القصيد يـرددك مـوال
حبيبي يا بعد كـل القصيـد وكـل الاذواقـي
ترفق لا تضيعني وأنا عايـش علـى الأمـال
ملكت العمر يا عمري وجيتك حيـل منساقـي
تعاتبني ولا أزعل وشوفك في سمـاي الـلال
وأنا مشتاق لعيونك وضحكك حيـل مشتاقـي
أغني لك وأنا المشتاق أغني لك على الاطـلال
أغني لك وصل حبك وشوفك بسمـة أشراقـي
ألآ يآخرمحطات الغـرام ومضـرب الأمثـال
على شانك ومنشانك دخلـت بعالـم ارهاقـي
وصالك لي ربيع القلب وبعدك شمعـهً تغتـال
بحر حبك غرامي لا ذكرتك زانـت أخلاقـي
حقيقة من عرفتك وأنت إلك في داخلي تمثـال
خيالـك مـا يفارقنـي ولا يهقابـه الهـاقـي
أنا رجال عايش في هـواك وداخلـي رجـال
رسمتك في عيوني لجل أشوفك داخل أحداقـي
عساني منحرم منك وشعري لجل عينك مـال
يميل الشعر لعيونك وبعـدك يحـرق احراقـي
تعاهدنا على كلمة عظيمـه يـا منـات البـال
طلبت الوصل منّك وقلت إلك قلبـي وميثاقـي
تذكر يوم أغني لك وترمي في سمـاك الشـال
وتكتبني على أوراقك مثل ما شفـت بوراقـي